韓國大邱疫情嚴重　金宇彬孫藝珍捐1億韓圜助基層/弱勢社群買防疫用品

新冠肺炎（武漢肺炎）疫情持續，早前疫情大爆發嘅韓國，確診人數已突破1,500人。

當中大邱市更係重災區，連日來已有多位韓星捐款支援前線及弱勢社群抗疫。

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

最近超人氣韓劇《愛的迫降》女主角孫藝珍就向大邱當地慈善機構「大邱社會互助籌捐會」捐出1億韓圜（約64萬港元），希望可以幫助需要防疫用品的弱勢社群及支援新冠肺炎治療和防疫。有指大邱係佢出生及長大嘅地方，而其父母現時亦住喺大邱，對佢嚟講係非常重要嘅地方。

Photo from yejinhand IG

而早前因為婚變消息令暖男形像受損嘅男星宋仲基，雖然佢依家就正喺哥倫比亞拍新片《波哥大》，但佢依然十分關心疫情發展，並向「希望橋樑全國災害救護協會」捐出約65萬港元，據指今次捐款進行得十分低調，宋仲基身在哥倫比亞直接聯絡協會表達希望捐錢嘅意願，而事前亦冇告知事務所。

Photo from TVN

靚聲女歌手IU則捐出共130萬港元畀「Good Neighbors」及「大學醫生協會」，支援前線醫護的保護衣及口罩等現時不足的物品。

在 Instagram 查看這則貼文

Butterfly ?? @wkorea

이지금（@dlwlrma）分享的貼文 於 PST 2020 年 2月 月 19 日 上午 9:18 張貼

另外，兩年前因患上鼻咽癌而停工兩年多嘅金宇彬，亦透過慈善團體「愛之果實」捐款約64萬港元幫助前線醫務人員及弱勢社群防疫。而其女友申敏兒，早前亦透過公益機構同樣捐出1億韓圜，以資助一線醫療人員以及弱勢家庭和群體，即二人合捐出2億韓圜。

Photo from GIORDANO KOREA Facebook

而其他藝人，如女星朴信惠亦有向「饑民食品基金會」捐出約32.6萬港元，幫助低收入家庭購買口罩；女星鄭麗媛捐出約65萬港元給「Good Neighbors」；以及由限定男團X1出身嘅金曜漢亦有捐約6.5萬港元畀「希望橋樑全國災害救護協會」，幫助有需要人士購買防疫用品。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）